Украинскиот претседател Володимир Зеленски денеска го потпиша Законот за државниот буџет за 2025 година, од кој 60 отсто ќе биде за одбрана од руската инвазија и за безбедност, односно нешто повеќе од 50 милијарди евра, додека аналогниот дел од буџетот на Русија е три пати поголем од тоа.
– Приоритет на буџетот е заштитата на нашата земја, тој вклучува финансирање на безбедносните и одбранбените сили, набавка и производство на оружје, беспилотни летала и опрема, напиша украинскиот премиер Денис Шмигал на Телеграм.
Буџетот од вкупно 82 милијарди евра беше одобрен од украинските пратеници на 19 ноември.
Украина, која има помалку оружје, помалку регрути и помалку пари од Русија, е принудена да ги зголеми трошоците за одбрана бидејќи војната влегува во третата година.
The post Зеленски го потпиша буџетот, 60 проценти од трошоците за одбрана appeared first on Локално.
