Грчките власти денеска најавија дека ќе понудат итна отштета во вкупен износ од неколку милиони евра на стотици домаќинства и бизниси кои претрпеа штети од пожарот.
„Властите ќе понудат до 150.000 евра (166.650 долари) на домаќинствата, 80 отсто во форма на државна помош и 20 отсто во форма на заеми без камата, како и до 500.000 евра за уништените компании“, соопшти Министерството за финансии.
Сè уште не е јасно колку државата планирала компензација, но владин претставник за Ројтерс изјавил дека сумата ќе надмине 30 милиони евра, вклучително и 5,2 милиони евра дополнителни субвенции за погодените општини, пренесува Ројтерс.
Текстот Грција: Властите ќе ги обештетат домаќинствата погодени од пожар во близина на Атина е превземен од А1он.
