Вечерва во малата сала на Македонската Филхармонија, со почеток во 19:00 часот, ќе имате можност да уживате во концертот на извонредите „Extravaganza Quartet“, насловен како „Kullermund“.
Концертот е во организација на Друштвото за македонско-германско пријателство и соработка и Гете Иститут-Скопје.
Дека музиката и културата ги надминуваат сите граници покажува примерот со музичарите Јордан Костов од Македонија и Андреас Гинтер од Германија кои по нивното прво сретнување во Шангај во 2016 година ја следат идејата за свирење концерти низ светот со меѓународни уметници и локални музичари, а нивната музика одразува бројни впечатоци од патувања низ далечни земји и средби со други култури и луѓе.
Зборот „Kullermund“ има специфично значење кај германските деца: Кога двајца луѓе во исто време ќе изговорат исто нешто, некој може да извика „Kullermund“. Потоа, другата личност не смее да зборува додека не добие дозвола од спротивната страна! Една забавна детска игра. Врз основа на оваа случајна и спонтана игра, ансамблот ќе ги интерпретира македонските и германските детски и народни песни на уникатен и импровизиран начин покрај сопствените композиции.
Очекувајте вечер полна со изненадувања.
Влезот е бесплатен а по концертот предвиден е коктел со мала закуска.
Ве молиме резервирајте го Вашето место со кратка потврда на емаил: drmakger@gmail.com
The post „Kullermund“ – Концерт на на извонредите „Extravaganza Quartet“ вечерва во Филхармонија appeared first on ekran.
