„Во Македонија има прекин на евроатлантскиот процес. Земјата нагло се отвора кон т.н. „Српски свет“. Ова утрово го изјавил претседателот на ВМРО-Народна и екс-премиер, Љубчо Георгиевски во интервју за бугарската „БТВ“.
Според него, „ни во времето на комунистичка Југославија немало такво отворање кон Србија“.
„Нема да има опасност за Македонија да го смени Уставот и да ги внесе Бугарите во него. Со сите овие агресивни муабети како претставниците на македонската влада да сакаат да се докажат пред некој друг“, истакнал Георгиевски.
Тој ги коментирал и неговите сомнежи дека „во земјава има српски диктат“.
„Оваа приказна за бугарскиот диктат ја слушаме веќе 2 години и откако ВМРО-ДПМНЕ беа во опозиција. РС Македонија не работи под бугарски туку српски диктат. Имаме процес на сложено занемарување на македонската историја и правење заедничка историја со Србите“, рекол Георгиевски.
Според него, во последните 6 месеци комуникацијата со Европа може да се изброи на прсти, нагласил тој.
„Идејата сега е за измени на Уставот со одложено дејство. Имаме постојани изјави дека сите ги разбираат и не поддржуваат за оваа идеја. Но, нема ниту една изјава од европски политичар што ја поддржува оваа позиција. Загрижен сум дека ќе изгубиме уште 4 години, како што беше случајот со Груевски и спорот за името со Грција. Рекоа дека и тогаш сите не поддржуваат, но ние чекавме 11 години“, кажал екс-премиерот и поранешен претседател на сега владеачката ВМРО-ДПМНЕ.
The post Георгиевски: Македонија не работи под бугарски туку српски диктат appeared first on Локално.
