Македонската кошаркарска репрезентација го претрпе третиот пораз во квалификациите за Европскиот шампионат 2025 година. На гостувањето кај Литванија, македонската селекција загуби со 94-72.
Ненад Димитријевиќ одигра уште еден брилијантен натпревар, кој поради повреда го заврши пред време.
Во првото полувреме, црвено-жолтите беа оние кои диктираа играта и го контролираа резултатот. Тоа благодарение на Ненад Димитријевиќ кој постигна 18 во првата и 10 поени во втората четвртина. Полувремето Нено го заврши си 28 поени, а Македонија со водство со 46-43.
Во третиот период домаќините по 43-48 направија серија од 9-0 и го преземаа водството. До крајот на периодот се играше кош за кош, па во последната четвртина, Литванија влезе со два поени позитива 64-62.
Во вториот натпревар од нашата група селекцијата на Полска која е ко-домаќин на Евробаскетот ја оствари првата победа. Полјаците славеа на гости кај Естонија со два поени разлика. Димитријевиќ ја одржуваше Македонија во живот се до 34-тата минута, кога по неговиот 43-ти поен, се здоби со повреда на мускулот на потколеницата. Тука „возот крена низбрдо“, па Литванците го искористија тоа и победија со 22 поени разлика.
Така бадијала останаа учинокот на Димитријевиќ кој на 43-те поени додаде и 6 асистенции и 4 скокови.
Шансите за пласман на ЕП остануваат, благодарение на победата на Полска на гостувањето ка Естонија 88-86.
За тоа да се случи Македонија ќе мора да ги добие следните два натпревари во февруари 2025-та. Првиот против Естонија ќе мора да го добиеме со најмалку шест разлика, а во последниот (дома) да ја совладаме Полска. Притоа ќе се надеваме во последното коло Литванија да ја победи Естонија.
The post Ненад Димитријевиќ сам не можеше да ја победи Литванија (ВИДЕО) appeared first on .
