Последниот натпревар од 12.коло во машката ракометна Супер лига е дербито меѓу Вардар и Алкалоид. Ова ќе биде дуел на едни од главните претенденти за шампионскиот трофеј сезонава.
Тимот од Автокоманда веќе се израдува на една победа над вардарци. Славеа избраниците на Кирил Лазаров пред своите симпатизери во на отворањето на сезоната во првото коло со 33:30.
Тоа е и единствениот пораз на црвено-црните во домашното првенство, а Алкалоид досега незнае за неуспех. Популарните „фармацевти“ победија на сите 11 одиграни натпревари.
Вардарци сега ќе ја имаат поддршката од своите навивачи, а и новиот тренер Аргентинецот, Гиљермо Милано ќе дебитира во дерби дуелите. Колку тоа ќе биде мотив повеќе за црвено-црните да му го нанесат првиот пораз на Алкалоид и дали ќе биде доволно останува да видиме.
Натпреварот што ќе се игра во СЦ „Јане Сандански“ ќе почне од 19 часот, може да го ГЛЕДАТЕ ВО ЖИВО ОВДЕ.
The post Вардар го пречекува не поразениот Алкалоид appeared first on .
