Аргентинскиот репрезентативец Лионел Меси во моментов го носи дресот на Интер Мајами, но најубавите моменти од кариерата ги помина во Барселона и тоа нема никогаш да го заборави.
Меси во интервју за каталонските медиуми кажа дека по завршување на кариерата не сака да живее во Аргентина, туку сака да се врати во Барселона, која многу му недостигала.
„Планирам да се вратам со сопругата и децата во Барселона и таму да живееме. На сите ни недостига Барселона. Моите деца сакаат да живеат во Каталонија. Тоа место го чувствувам како мој дом“, кажа Меси.
Аргентинецот со каталонскиот гигант освои голем број титули, а за екипата одигра 778 натпревари и постигна 672 голови.
