Бора Ѓорѓевиќ и во април имаше тешко воспаление на белите дробови, а со таа дијагноза пееше на големиот концерт во Љубљана на 20 април, по повод 45-годишнината од формирањето на групата. Тоа е еден од неговите последни концерти, а на самиот настап присуствуваше и Тамара Горичанец, водителка на телевизија и радио Актуел од Љубљана.
Иако вели дека концертот бил прекрасно искуство, таа се присетува и на шокантниот податок дека Бора бил на кислород пред да излезе на сцената, како и дека покрај бината цело време дежурала екипата на итната помош.
– Концертот го изведе како ништо да не му е, рутински како да е здрав, во цут, седеше малку, стоеше, не може да се замисли некој со пневмонија да пее толку убаво. Беше полно со забава, беше навистина одлично – изјави словенечката водителка.
Таа постојано го нагласувала топлиот однос кој починатиот пејач го имал со сите луѓе кои ги запознал, а раскажала и една убава анегдота на неговиот пријател кој го сретнал Боро на улица:
– Еден мој пријател имаше свирка на улица и помина покрај Бора со своето куче, а другарот всушност отпеа една негова песна. Бора застана и пееше со него, навистина беше народен човек, секогаш беше подготвен да разговара.
