Во фејсбук групата „Охриѓани“ е споделен повик до сите граѓани кои сакаат да помогнат во гаснењето на пожарот на Галичица, кој се прошири на страната кон Охрид. Доброволците треба утрово да дојдат до планинарската куќа Спиридон (после црквичето Св. Ѓорѓија на Галичица накај Ресен од десна страна) со свој алат, мотика или гребло.
„По консултација со планинската спасителна служба, сите физички спремни доброволци утре (денес) во 07:00 часот да се пријават кај планинарската куќа Спиридон (по Црквичето Св. Ѓорѓија на Галичица кон Ресен, од десна страна) со свој алат – мотика или гребло! Најважно е да бидете физички спремни со основна планинарска опрема, вклучувајќи чевли и друго. Досега само по 3-4 доброволци на ден се пријавувале, затоа да се собереме во поголем број за да ја спасиме Галичица. За жал, моментално нема друга (поголема) организација за спас на националниот парк!“, пишува во апелот.
Во Охрид вчеравечер се чувствуваше мирис на чад. Веќе 10 дена, пожарникари, припадници на планинската спасителна група, ренџери од НП Галичица, членови на алпинистичкиот клуб „Патагонија“ од Охрид, доброволци, хеликоптери и ер трактори се ангажирани во гаснењето на пожарот на Галичиц кој веќе премина од страната на Охрид.
Стојанче Ангелов изјави дека карактеристика на овој пожар, особено од охридска страна е што се слушнаа неколку детонации на неексплодирани минско-експлозивни средства, остатоци од војните кои се воделе на овој регион и фронтовата линија.
„Тоа дополнително го отежнува гасењето на овој пожар бидејќи мораме да почекаме истиот да се приближи кон шумата каде што е релативно побезбедно, затоа што на голиот појас, каде има претежно трева и грмушки и друга ниска вегетација, гасењето е ризично и опасно бидејќи постои можност од експлозии„, потенцира Ангелов.
The post 🎥 „Ја губиме Галичица“: Повик за волонтери за гаснење на пожарот appeared first on Локално.
