Седумдесет и петгодишен жител на кумановското село Кокошиње почина откако вчера пожар ја зафатил неговата куќа, информираше денеска МВР. Неговата сопруга од куќата ја извлекол нивниот внук.
Во информацијата на МВР се наведува дека во 18.42 часот во СВР Куманово било пријавено дека околу 14 часот настанал пожар на сува трева во село Кшање, кумановско, кој се проширил и го зафатил и село Кокошиње, при што била зафатена и куќата на С.П.(75) и седумдесет и тригодишната Т.П.
– Од здобиените повреди на местото починал С.П., додека нивниот внук успеал да ја извлече Т.П. од куќата. Лекар од Итна медицинска помош констатирал смрт без траги на насилство кај С.П., а по наредба на јавен обвинител телото на починатиот било дадено на семејството, соопшти полицијата.
Директорот на ЦУК, Стојанче Ангелов во последната видео-изјава апелираше жителите да внимаваат, да се евакуираат, да не ризикуваат и да не чекаат последен момент.
Текстот Внукот ја спасил бабата, но дедо му починал откако пожар ја зафатило нивната куќа е превземен од А1он.
