Светата маченичка и девица Јулија
Родум од Картагена, од прочуен род. Кога Персијанците ја покорија Картагена, многуброен народ беше одведен во ропство. Беше фатена и заробена и Света Јулија и му падна во рацете на некој трговец во Сирија. Трговецот беше незнабожец. Кога виде дека Света Јулија е христијанка, ја советуваше да се откаже од Христа и да стане едноверна со него. Јулија никако не се согласуваше со тоа.
На гробот на Света Јулија се јавуваа многубројни чуда. Таа пострада чесно во 6 век. После многу години верните посакаа да изградат нова црква во чест на Света Јулија на едно друго место, бидејќи старата црква остаре и пропадна. Но ноќта наспроти денот кога сакаа да го положат темелот, граѓата за црквата со невидлива рака беше пренесена до старата црквичка. Во недоумение луѓето повторно ја пренесоа граѓата на новоизбраното место, но пак се случи истото: материјалот се врати на местото кај старата црква. Од ова сите разбраа дека Света Јулија не сака да ? ѕидаат црква на друго место, па ја срушија старата црквичка и на тоа место подигнаа нова.
Тропар
Светла гулабице Христова, Јулијо маченичке, Небесата денес торжествуваат и народот верен се радува славејќи го чесниот спомен: на онаа која Христа ради, верата ја исповеда спасоносна, на онаа која за Христа ја сочува девственоста во царството на вечноста, на онаа која сега со солзи непрестајни за нас се моли. Господи, слава Ти!
The post Денеска се празнува Светата маченичка и девица Јулија appeared first on ekran.
