Вишото јавно обвинителство во Нови Сад денеска соопшти дека вкупно 11 лица се уапсени и приведени во врска со трагедијата во Нови Сад, кога 15 лица загинаа, а двајца беа тешко повредени при пад на настрешницата на железничката станица во тој град.
„По подигнувањето и деталната анализа на сета потребна документација, разговори со поголем број граѓани, како и по извршеното вештачење за утврдување на причината и околностите под кои паднала, кое е доставено до обвинителството на 20.11.2024 година и запознавање со наодите и мислењето на стручни лица од градежната струка, по налог на Вишото јавно обвинителство во Нови Сад, на 21.11.2024 година, приведени се вкупно единаесет лица. Осомничените Ј.Т., Ѓ.В., А.Д. и Н.Ш. се лишени од слобода поради „сторено кривично дело Тешко кривично дело против општата сигурност од член 288 ст.2 од Кривичниот законик и Предизвикување општа опасност од член 278 став 3 во врска со став 2 од Кривичниот законик“, се наведува во соопштението.
„Осомничените С.Н, М.Ј, Љ.М.М, М.С, Д.Ј, М.Г. и Д.Т. сториле кривично дело Тешко кривично дело против општата сигурност од член 288 став 2 од Кривичниот законик и Неправилно извршување градежни работи од член 281 став 1 од Кривичниот законик“, се вели во соопштението.
-За наведените кривични дела е пропишана казна затвор од 2 до 12 години, се додава во соопштението од тамошното Обвинителство.
The post 11 лица уапсени поради трагедијата на железничката во Нови Сад, им се заканува затворска казна до 12 години appeared first on Локално.
