Министерот за култура, Зоран Љутков денеска беше во работна посета на Македонскиот народен театар, најстарата и најголемата театарска институција во Македонија. Информира дека се запознал со тековните активности и плановите за иднината и присуствувал на пробата на актерите за претставата „12“, адаптација на познатото сценарио „Дванаесет гневни луѓе“.
-В.д. директорот Никола Кимовски ни ги презентираше предизвиците со кои се соочуваат, како недостатокот на средства за квалитетна продукција, недостатокот на неопходен кадар и намалени средства за инвестициски проекти, истакна Љутков, додавајќи дека сериозно е загрижен и шокиран од тоа во каква состојба е доведен театарот.
Според министерот, седум години не се водело грижа за одржување на објектот и е доведен во катастрофална состојба.
-И покрај тоа, во изминатиот период театарот успеа да постигне значителен напредок, вклучувајќи зголемена продажба на билети и набавка на нова опрема за потребите на сцената. Следната година, ги одбележуваме 80 години од постоењето на МНТ, што ветува многу интересни настани, порача Љутков.
The post Љутков шокиран од состојбата во МНТ appeared first on Локално.
