По сениорите на Шпанија, кои неодамна се искачија на европскиот трон во Германија, трофејот наменет за најдобрата фудбалска селекција на Стариот Континент го крена и генерацијата на фудбалери до 19 години.
Во финалето на Европското првенство (У-19), Шпанија ја победи Франција со 2:0, натпревар што се одигра на стадионот „Виндзор парк“ во Белфаст.
Стрелци за „фуријата“ беа Икер Браво во 41. минута и Асане Дијао во 69. минута, по влегувањето од клупата за резерви. Работата на Шпанија беше уште олеснета од 77. минута, кога Французинот Гомис заработи директен црвен картон за остар старт, оставајќи ги соиграчите до крајот да го направат невозможното.
Никој не игра фудбал подобро од Шпанците, овие два трофеја го покажуваат тоа.
