Шок пред почетокот на Игрите: Олимпијци испратени дома поради шпионажа

Канадскиот олимписки комитет испрати дома двајца членови на својата женска фудбалска делегација, поради шпионирање на противниците. Канаѓаните пуштиле дронови за да го шпионираат тренингот на Нов Зеланд, со кој се среќаваат во првото коло на олимпискиот турнир. Олимпискиот комитет на таа земја реагираше правилно, веднаш ја призна вината и се извини за направената злоупотреба.

• ОК Канада го поддржува ферплејот, и ние сме шокирани и разочарани. Искрено им се извинуваме на фудбалерките и на Фудбалскиот сојуз на Нов Зеланд – стои во соопштението.