Нема „црвени линии“ кога е во прашање поддршката за Украина, изјави денеска францускиот министер за надворешни работи Жан Ноел Баро.
Тој за Би-би-си изјави дека Украина може да истрела француски ракети со долг дострел кон Русија „во рамките на логиката на самоодбрана“, но не потврди дали веќе е употребено француско оружје.
„Принципот е поставен… нашите пораки до украинскиотд претседател Володимир Зеленски беа добро примени“, рече тој во интервју за Би-би-си, кое ќе се емитува утре.
Баро, кој вчера во Лондон разговараше со британскиот министер за надворешни работи Дејвид Лами, рече дека западните сојузници не треба да поставуваат никакви ограничувања кога станува збор за поддршката на Украина против Русија и „да не поставуваат и изразуваат црвени линии“.
The post Францускиот министер за надворешни работи: Нема „црвени линии“ кога е во прашање поддршката за Украина appeared first on Локално.
