ФОТОГРАФИИ 2024 е најновото издание на годишната, традиционална изложба на фотографии на членовите на Фотогрупата „Чкрап!“ од Тетово. Годинава е посебна. Нашата изложба е дел од чествувањето 80 години слободно Тетово! Затоа покрај нашата, веќе традиционална изложба на фотографии која се одржува секоја есен и се претставуваат членовите на „Чкрап!“ со своите најнови дела (а годинава ќе се претстават 17 фотографи со 44 фотографии!), петмина фотограф(к)и ќе се претстават со свои фотографии и видувања на 80 години слободно Тетово во соработка со Сојуз на борците од НОБ и граѓаните продолжувачи – Тетово.
Во изминатиов период од 21 година „Чкрап!“ стана бренд за кој многумина слушнале, како и поим за добра фотографија во градот и земјата. „Чкрап!“ е член на Фото сојузот на Македонија. Фотографијата како феномен е бескраен океан, во кој фотографите од Фотогрупата „Чкрап!“ веќе подолго време успешно пливаат, а младите членови даваат надеж дека така ќе остане уште долго време.
Повелете во НУ Музеј на тетовскиот крај (Дом на АРМ Тетово) во вторник, на 19 ноември 2024 година во 20:00 часот на нашата и ваша изложба на фотографии, се вели во објавата на организаторот на овој настан.
The post „Фотографии 2024“ – изложба на фотографии на членовите на фотогрупата „Чкрап!“ appeared first on ekran.
