Се бара маж од Аризона откако преку социјалните мрежи се заканувал дека ќе го убие поранешниот американски претседател и кандидат на Републиканската партија на претстојните претседателски избори, Доналд Трамп, соопшти денеска шерифот на округот Кочис.
Канцеларијата на шерифот, исто така, соопшти дека биле издадени повеќе налози за апсење на човекот, Роналд Ли Сивруд, во државата Висконсин, пренесува Ројтерс.
Трамп моментално се наоѓа во округот Кочиз, каде што е во обиколка на американско-мексиканската граница како дел од неговата изборна кампања.
„Не сум слушнал за таа закана, но не сум толку изненаден, причината за тоа е што сакам да правам работи што се лоши за лошите момци“, рекол Трамп, пренесува Танјуг.
Според Ројтерс, ова е најновата во низата закани за претседателските кандидати пред изборите закажани за 5 ноември.
На почетокот на август, маж од Вирџинија беше обвинет за закана за демократската кандидатка Камала Харис, а маж од Њу Хемпшир беше уапсен во декември поради закана дека ќе ги убие републиканските претседателски кандидати.
Во јули, Трамп беше застрелан во уво за време на предизборен митинг, при што уби еден маж, а рани двајца други.
И покрај обидот за атентат и неодамнешните закани, Трамп рече дека има „голема почит“ за Тајната служба и го пофали начинот на кој тие ја вршат својата работа.
