„Мултидисциплинарен пристап кон целите за одржлив развој“ е темата на 3. Годишна меѓународна научна конференција на битолскиот Универзитет „Св. Климент Охридски“ (УКЛО) во чест на Светскиот ден на науката за мир и развој. Меѓународниот програмски комитет на Конференцијата го сочинуваат 35 научници од различни земји одсветот, што дополнително го потврдува и зацврстува нејзиниот меѓународен карактер. Конференцијата ќе се одржи во Битола на 15 и 16 ноември, со физичко присуство што е задолжително за објавување, но е дозволено и учество преку интернет.
Поради својата активност во исполнувањето на Целите за одржлив развој на Обединетите Нации, УКЛО беше рангиран во првите 400 универзитети во светот на реномираната Times Higher Education Impact Rankings, како прв и единствен македонски универзитет.
Сите информации во врска со меѓународната научна конференција може да се прочитаат на линкот.
Сите заинтересирани за учество на конференцијата се поканети да се регистрираат со поднесување на апстракт (до 300 зборови) и кратка академска биографија (до 200 зборови) најдоцна до 1 ноември 2024, на е-пошта: conference@uklo.edu.mk или на линкот.
Научните трудови кои ќе бидат презентирани на Конферецнијата ќе бидат објавени во Зборник на трудови, додека определен број на селектирани трудови ќе бидат објавени во меѓународното научно списание “Horizons – International Scientific Journal” (https://uklo.edu.mk/ojs/index.php/horizons/index) како издание на УКЛО кое непречено излегува упте од 2005 година. Списанието е индексирано во повеќе релевантни академски бази на податоци (EBSCO, Index Copernicus, Central and Eastern European Online Library (CEEOL), CrossRef, Google Scholar, Eurasian Scientific Journal Index, Mir@bel, RootIndexing, WorldCat, Dimensions, J-Gate, Electronic Journals Library, Asian Science Citation Index (ASCI)).
The post Трета годишна меѓународна научна конференција на УКЛО first appeared on УМНО.МК.
