На 25 ноември околу 18.50 часот познатата српска актерка Слобода Миќаловиќ физички се пресметала со С.Д. (47), поради што завршила во Ургентниот центар.
На неа и биле извршени детални прегледи, а актерката изјавила дека била удирана неколку пати по главата, поради што се пожалила на болки. Слобода извесно време останала во болница, а потоа преку службениот излез ја напуштила установата. Според информациите, на Слобода и биле извршени сите потребни прегледи.
Нејзината моментална состојба сè уште не е позната.
Во тек е прибирањето докази кои потоа ќе бидат доставени до обвинителството за понатамошно постапување и одлучување. Како што пренесуваат локалните медиуми, дежурниот јавен обвинител наредил полицијата да ја собере целата медицинска документација, како и да направи снимки од видео надзор и да изврши разговор со актерката и минувачот со кој се судрила, односно сите лица кои имаат сознанија од овој случај или случајно се нашле таму.
Медиумите неофицијално дознаваат дека под дејство на алкохол била С.Д. И на неа и на Слобода Миќаловиќ веднаш им била укажана лекарска помош, бидејќи и двете се пожалиле на повреди.
The post Слобода Миќаловиќ пуштена од болница: Познатата српска актерка ја претепале на паркинг appeared first on Локално.
