Костов беше роден 1949 година во Битола. Средно музичко училиште завршил во Битола. Уште во тој период активно учествувал во културно-забавното живеење на Битола. Натамошното школување го продолжил на Музичката академија во Белград, а потоа и на Факултетот за музичка уметност во Скопје. Во периодот од 1970 до 1988 година бил прв трубач и солист на Танцовиот оркестар на тогашната Радиотелевизија Скопје, а од 1988 година до денес (2010) и негов диригент. Како единствен претставник на тогашна Југославија, учествувал во Бигбендот на Европската радиодифузија, кој бил составен од по еден инструменталист од секоја земја од Европа.
Автор е на околу педесетина композиции во оркестарска изведба од областа на џезот. Од областа на популарната музика има околу триста наслови како композитор – „Летај галебе“, „Кога те нема“, „Твоите очи сине“, „Синот божји“, „Тајно моја“, „Илузија“ и многу други, и уште толку како аранжер на други автори. Бил еден од основачите на фестивалот за деца и млади „Си – до“ кој се одржуваше во Битола од 1991 до 2000 година. Бил уметнички директор на Интерфест Битола за популарна музика. Добитник е на бројни награди и признанија. Моментално е диригент на Бигбендот на МРТ, а на Факултетот за музичка уметност предава на отсекот за камерна музика – оркестар.
Костов е добитник на бројни награди и признанија, меѓу кои се три Гранпри награди на фестивалот „Макфест“ (1986,1993, 1995 година), две Гранпри награди на Скопскиот фестивал (1995 и 1997 година). Гранпри на Славјански базар во Белорусија, за „Тајно моја“ и „Илузија“ во интерпретретација на Тоше Проески, второ место на Славјански базар – „Бела птица“, „хххх“ во интерпретација на Каролина Гочева, втора награда на Славјански базар во Киев Украина – „Што те нема“ во интертретација на Лидија Кочовска, втора награда на фестивалот „Сунчане скале“ – „Тајно моја“ во интерпретација на Тоше Проески, Гранпри на фестивалот „Сунчане скале“ – „Рум, дум, дум“ во интерпретација на Калиопи и Наум Петрески, трета награда на фестивалот „Пјесма Медитерана“ – Будва, Црна гора – „Љубовна религија“ во интерпретација на Јоце Панов и многу други
The post Сеќавање: Една година откако почина композиторот Кире Костов appeared first on ekran.