Маж е пронајден мртов на шпанска плажа откако извршил, како што се сомнева ритуал со „црна магија“ во кој жртвувал животни.
65-годишникот бил пронајден зад карпите на плажата Ла Фоса северно од одморалиштето Коста Брава, Паламос, во близина на Жирона, откако искасапил повеќе кокошки.
Вчера, нешто по 5 часот, неговата сопруга се јавила во службата за итна помош, велејќи дека го нашла во несвест опкружен со трупови на птици без глави.
На местото на настанот излегла брзата помош и полиција, но тој веќе бил мртов.
Кога полицијата и брзата помош пристигнале на местото на настанот, затекнале маж опкружен со пилешки глави, како и неговата ожалостена сопруга и децата.
Полицијата се уште ги чека резултатите од обдукцијата, но во оваа фаза инцидентот не го третира како кривично дело – телото на мажот немало траги на повреди, според полициските извештаи на шпанската агенција Кроника Глобал.
Тие, исто така, потврдија дека ниту сопругата, ниту ќерките на мажот нема да бидат обвинети за злоупотреба на животни или за јавно здравје, бидејќи тие „не учествувале активно“ во делата што ги извршил починатиот.
Локалните извештаи покажуваат дека смртта на мажот е поврзана со реакција на лекови што можеби ги земал како дел од церемонијата на црна магија, пишува Дејли меил.
