Во понеделник на 28 октомври 2024 година, во Национална и универзитетска библиотека „Св. Климент Охридски“ во Скопје, со почеток во 11:00 часот, во организација на Францускиот институт во Скопје, ќе се одржи саем на студии во Франција.
Саемот претставува неизоставен настан за средба на македонските средношколци, студенти, универзитетски професори, кои сакаат да го продолжат своето високо образование во Франција, или пак да остварат универзитетска соработка.
Ова е одлична можност да се добијат сите потребни информации за понудата на студиски програми, стипендии и студиски програми на англиски јазик директно од претставниците на француските универзитети присутни на саемот, како и информации за сите аспекти на студентскиот живот во Франција.
Ве очекуваме!
The post Саем на студии во Франција 2024 appeared first on ekran.
