Хрватската фудбалска репрезентација ја совлада Шкотска со резултат 2:1 (1:1) во третото коло од групата 1 А од Лигата на нации.
Натпреварот на стадионот „Максимир“ во Загреб го означи пресвртот на „Огнените“, по нивниот многу лош почеток, но и драматичната завршница која ги „замрзна“ сите на стадионот.
Шкотите беа уште поопасна екипа во првиот половина час, но тоа не успеаја да го материјализираат, но во 33. минута успеаја да ја искористат грешката на Сучиќ и да постигнат гол преку Кристи.
Само три минути подоцна Матановиќ успеа да израмни и да ја врати надежта кај домашните навивачи, а пред полувремето беше 1:1.
Во продолжение Хрватска беше таа која повеќе го посакуваше вториот гол и го доби во 70. минута. Андреј Крамариќ стана херој, постигнувајќи погодок со глава и со тоа го реши овој меч.
Подоцна Лука Модриќ имаше шанса за 3:1, а Кристи во самиот финиш имаше шанса за 2:2, но топката за влакно ја промаши стативата.
Во 95-та минута Че Адамс постигна гол за 2:2 за големо славје на Шкотите и студен туш на „Максимир“.
Сепак, по неколку минути проверка, ВАР-анализата покажа дека сепак е офсајд и Хрватите успеаја магично да се извлечат и да освојат три поени.
Текстот Примија смешен гол, па славеа на „Максимир“ е превземен од А1он.
