На авион на рускиот авио-превозник „Азимут ерлајнс“ кој вечерва во Анталија, Турција, слета при неповолни метеоролошки услови, се случил пожар на моторот, а сите 79 патници се евакуирани безбедно, јавува ХавХабер.
Пожарникарите интервенирале веднаш, а пистата е привремено затворена, па авионите се пренасочени на други аеродроми.
Нема повредени, а авионот летал на релација Сочи-Анталија.
Пожарот настанал кога моторот дошол во контакт со пистата.
