Рано утринава во населбата Ѓорче Петров бил запалено возилото марка „мерцедес“ на Драган Митковски кој беше еден од најблиските соработници на градоначалничката Данела Арсовска. Митковски на последните избори беше и носител на листа од редовите на партијата Нова алтернатива, на чие чело застана токму Арсовска.
„На 09.08.2024 во 03.05 часот од Бригадата за противпожарна заштита – Скопје во СВР Скопје е пријавено дека на територија на Општина Ѓорче Петров било опожарено патничко моторно возило ‘мерцедес а класа’ со скопски регистерски таблички, сопственост на правно лице од Скопје. Од пожарот зафатени се и патничко моторно возило ‘хјундаи’ и ‘сузуки свифт’ во делот на браниците и ретровизор. Се преземаат мерки за расчистување на случајот”, информираа од МВР.
Во јавноста се шпекулира дека односите помеѓу Митковски и Арсовска во моментов се изладени и дека тоа резултираше со разрешување на директори на неколку скопски јавни претпријатија во последните неколку денови.
Митковски бил близок соработник со Арсовска и во Сојузот на стопански комори. Драги Митковски – „Книга“ беше неформален екс-советник на поранешниот премиер Никола Груевски за книговодствени политики.
The post Опожарено возилото на Митковски кој беше најблизок соработник на градоначалничката Арсовска appeared first on Локално.
