Поради масовното иселување на младите и празнење на училиштата, во државата има вишок на наставници, изјави министерката за образование и наука Весна Јаневска.
„Лично сметам дека наставник не може да биде вишок. Ние, треба само да ги направиме функционални. Кога ќе направиме нормални паралелки, не паралелки од по 10 или 15 ученици, туку кога ќе ги сведеме на 20 ученици, наставникот што е вишок ќе продолжи да работи во втората половина на денот според програмата на училиштата, која опфаќа многу додатни предмети, изборни предмети, воннаставни активности, работа со деца кои имаат потешкотии во учење, работа со талентирани деца, дополнителна настава, додатна настава, општествено корисни работи. Идејата е дека целиот фонд на наставници треба да го искористиме за учениците да стекнуваат подобри знаења,“ нагласи Јаневска пред почетокот на настанот посветен на „Образование водено од реалните потреби на учениците – паметно инвестирање во наставниот кадар и инфраструктура“, ќе се одржи денеска во организација на Здружение за истражување и анализи ЗМАИ.
Фото/Кабинет на претседател
The post Наставниците остануваат без работа, поради иселувањето и намалениот број на ученици appeared first on еМагазин.
