Фудбалерите на Фенербахче го победија Лугано со 4:3 на гостински терен во првиот натпревар од второто коло од квалификациите за Лигата на шампионите, а само еден ден подоцна одекна и нова трансфер бомба.
Имено, на Босфорот пристигна Јусуф Ен Несири, а Севилја за овој трансфер ќе заработи 18.5 милиони евра, стои во соопштението на Фенер.
Турскиот гигант ќе ја плати сумата на осум рати во следните осум години, а шпански „Relevo“ пренесува дека Шпанците задржале 10 отсто од следната продажба.
Напаѓачот ќе заработува четири милиони евра по сезона, а потпишал договор до летото 2029 година. Дополнителни приходи ќе бидат бонуси за клупски и личен учинок.
