Фестивалот на креативен документарен филм МакеДокс, на овогодинешното јубилејно 15-то издание ви ја претставува фестивалската програма за деца и млади.
Јубилеи, јубилеи… Родендени на убави нешта. И домашни торти со ликови од цртани филмови. Колективна меморија и носталгија. Безгрижно детство. Е токму таму ве водиме!
Ветрилото на чешките анимирани класици ќе го размрда застојаниот скопски летен воздух и ќе нѐ одведе на патување назад кон иднината. Билетот е, велат, во една насока, оти кој не би сакал вечно да остане дете? Затоа со задоволство ќе се навратиме на едни подалечни времиња кога јадевме мајмун-попара, учевме странски јазици од телевизија и трчавме од кујната со брзина на светлината штом ќе ја чуевме најавната шпица на омилениот цртан филм. Мајмун-попара можеби повеќе не е во мода, но одење во кино е, и тоа како!
А на овогодишниот репертоар – епизоди од златните серии на „Пат и Мат“, „Кртко“, „Максипесот Фик“ и „Боб и Бобeк“. Дојдете да се потсетиме!
Програма за деца и млади од 17-21.08:
17 август, сабота МКЦ
11:00 Проекции на избрани епизоди од серијалот “Пат и Мат”
12:45 Креативна работилницa: Ете така!
18 август, недела МКЦ
11:00 Проекции на избрани епизоди од серијалите „Кртко“, „Максипесот Фик“ и „Боб и Бобeк“
12:00 Креативна работилница: Маринирани спомени
19-21 август:
Младинска програма во Сули ан + премиери на 3 филмови од нашата школа Докуникулци
The post МакеДокс Програма за деца и млади appeared first on ekran.
