Припадниците на косовската полиција денеска упаднаа и ги затворија просториите на привремената управа на општина Србица на Косово, јавуваат регионалните медиуми.
Според информациите, четворица полицајци во цивилна облека ги запечатиле просториите на оваа српска институција и ги протерале работниците што ги затекнале таму, со образложение дека се занимаваат со „незаконски и противуставни активности“.
Канцеларијата за Косово на Србија посочува дека ваквиот потег е во директна спротивност со сите договори и резултатите од дијалогот и покажува дека единственото нешто што Албин Курти го знае е да води политика на затворање, блокади и исклучувања. Се нагласува дека ова е десетта привремена управа што властите во Приштина самоволно и незаконски ја затворија, по затворањето на привремените власти во Штрпац, Клина, Исток, Гораждевац, Гора, Косовска Митровица, Лепосавиќ, Звечан и Зубин Поток.
The post Косовската полиција ги затвори просториите на привремената управа на општина Србица appeared first on Локално.
