Вредноста на европската заедничка валута во споредба со доларот падна денеска на најниско ниво во последните четири и пол месеци, пишува порталот „Трејдинг економикс“.
Според податоците од берзата, во 10 часот еврото се продавало за 1,06875 долари, што значи дека е најслабо од крајот на јуни во однос на американската валута.
Инвеститорите внимателно ги следат економските и монетарните движења, како и политичката ситуација во Германија, а особено се заинтересирани за можноста за предвремени парламентарни избори во таа земја.
