Ерол Ризаов ероден во Кочани на 18 ноември 1950 година. Тој е истакнат македонски новинар и политички аналитичар. Дипломирал на Филозофскиот факултет во Скопје во 1975 година на отсекот историја на уметност. Со новинарство почнал да се занимава во 1977 година. Прво работел како приправник во Градската рубрика, а потоа како соработник и коментатор во внатрешно-политичката рубрика на весникот Нова Македонија. Едно време ја вршел функцијата заменик на главниот и одговорен уредник, а во периодот 1996-1999 бил одговорниот уредник во дневниот весник Нова Македонија.
Тој е еден од основачите на Утрински Весник, а воедно и негов прв директор (1999), како и главен и одговорен уредник пет години подоцна. Објавувал текстови во љубљанско „Дело“. Во 2013, Ризаов ја добил наградата „Жан Моне“ за најдобар новинарски текст на тема „Европска Унија“, награда која ја доделува делегацијата на ЕУ во Македонија. Во февруари 2015, Ризаов ја добил наградата за животно дело „Крсте Мисирков“, која ја доделува Здружение на новинарите на Македонија. Во мај 2015, Ризаов промовирал четири книги кои ги содржат неговите најзначајни текстови што ги напишал во периодот 2007-2015. Во текот на својата кариера, тој направил интервјуа со познати светски личности како Лех Валенса, Герхард Шредер, Тургут Озал, Милан Кучан и други.
Среќен роденден Ерол ти посакува редакцијата на Екран.
The post Денес роденден прославува нашиот истакнат новинар Ерол Ризаов appeared first on ekran.
