ВРЕМЕ: Студено утро до минус 11 степени, преку денот сончево до плус 14, слично ќе биде до петок, кога се очекува нов влажен бран

Утрото денеска ќе биде ведро и студено, по одделни котлини со услови за појава на магла. Преку денот претежно сончево со слаб ветер од променлив правец. Утринските температури ќе се движат од -11 до -3 степени Целзиусови. Највисока температура преку денот од 7 до 14 степени.

Во Скопје наутро студено, во делови од котлината со услови за појава на магла, а преку денот сончево и тивко. Температурата од -6 до 10 степени.

Во следните денови времето ќе биде стабилно и претежно тивко со ниски утрински температури, а дневните ќе бидат во пораст.

По одделни котлини ќе има појава на магла и пониска дневна температура. Во петок кон крајот на денот се очекуваат повремени врнежи од дожд.