Главниот град на Јужна Кореја беше прекриен од најсилните ноемвриски снежни врнежи поради лошите временски услови кои го отежнаа сообраќајот, направија прекин на струјата и беа приземјени стотици летови додека властите се подготвуваат за повеќе снег во наредните денови.
Најмалку две лица загинаа во сообраќајни несреќи на автопатите источно од главниот град, а делови од зградите и градилиштата, кои паднаа поради силните ветрови, повредија дел од пешаците во Сеул, јавуваат медиумите.
Постудениот воздух, кој доаѓаше од северозапад, го претвори дождот во снег во текот на ноќта оставајќи 18 сантиметри на земјата до 15 часот, што ги означува најсилните снежни врнежи од почетокот на евиденцијата во 1907 година, соопшти метеоролошката агенција.
Снегот ја зголемува опасноста од оштетување објекти и имот поради високата концентрација на влага.
Повеќе од 200 лета беа откажани или одложени, повеќето од нив домашни, бидејќи аеродромите во земјата доживеаја тешки временски услови со силен ветер, а најмалку 70 фериботи до островите беа суспендирани.
Илјадници домаќинства ја загубија електричната енергија во неколку области на Сеул и централниот регион бидејќи електричните водови беа оштетени од паѓање дрвја и причини поврзани со снегот, според извештаите на вестите.
Текстот Во Јужна Кореја падна рекорден снег, oткажани летови, прекинато снабдувањето со струја, делови од згради паднаа врз пешаци е превземен од МАКФАКС.
