Српскиот тенисер Новак Ѓоковиќ на необичен начин го најави дуелот со Григор Димитров на егзибицискиот турнир во Софија.
Оваа средба Ѓоковиќ ја најави на свој начин, објавувајќи видео на ТикТок во кое ја пее популарната песна на бугарската пејачка Камелија, „Луда по тебе“, преработка на песна од Лепа Брена.
„Одам во Софија, подготвен за настап. Григор, дали одобруваш? Ѓоковиќ се пошегува во описот на видеото.
Спектаклот со своите избрани зборови го најави и Димитров.
„Подгответе се за класичен, безвременски и уникатен меч. Ќе играм против Ѓоковиќ на 17 септември во 20 часот. Придружете ни се на незаборавна вечер на врвен тенис и поддржете ја мојата фондација. Да ја направиме вечер за паметење“, напиша Димитров на социјалните мрежи.
Текстот ВИДЕО: Ѓоковиќ го испеа познатиот хит и најави спектакл во Бугарија со Димитров е превземен од А1он.
