Даниел Поповиќ, кој ја претставуваше Југославија на Евровизија во 1983 година со песната „Џули“, зборувал за почетокот на војната и за проблемите со кои се соочувал во тоа време.
„Баш во 1991 година, по враќањето во Загреб, добив прашање кое гласеше: ‘Даниел, за Хрватите си четник, за Србите си усташ, а за Црногорците си предавник на својата раса. За кого ќе пееш сега?’. Времињата беа лоши, така што стогодишниот договор што го имав со Југотон се прекина преку ноќ. Тогаш требаше да одам на однапред закажана турнеја во Норвешка, но пасошите престанаа да важат, па со самото тоа и визите и не се случи“, вели тој во интервју за Večernji.hr.
Додал дека не знаел дали требало да оди некаде и дека имал семејство во Загреб, т.е. неговата сопруга и двете деца кои тогаш биле малолетни.
„Мојата сопруга имаше мајка полу-инвалид. Каков човек би бил ако ја свиткам опашката и да си заминам? Се запрашав: ‘Кому и покрај тоа му е до пеење?’, но морав да живеам, па продолжив да го правам тоа што најдобро го знам, создавав музика. Полека го градев моето студио, го научив занаетот и почнав да правам песни и проекти за други“, рекол тој.
Во интервјуто тој кажал и дека во 1991 година за малку ќе отишол на Евровизија со песната „Levisice“. Како што е познато, во тоа време Бејби Дол ја претставуваше Југославија со „Бразил“.
„Беше чудна ноќ во Сараево. Во зелената соба имавме два големи екрани. На едниот ги гледавме другите изведувачи во директен пренос, а на другиот тенковите излегуваа на улиците на Белград. За време на гласањето, дојде до промена на ознаката па Телевизија Загреб беше сменето во ХТВ. Нестварно, неразбирливо и тажно време, иако ја имавме веројатно најдобрата песна и светски настап, политиката ги вмеша прстите.
Напоменал и дека не знае каде ќе се одржуваше Евровизија доколку победеше во Рим.
„Можев. Веќе бев добро познато име и сигурен сум дека ‘Левисице’ ќе биде во директна трка за првото место“, рекол тој.
Фото: Принтскрин/Instagram
The post (ВИДЕО+ФОТО) ДАНИЕЛ ПОПОВИЌ – „Бев најпопуларниот пејач во поранешна Југославија, а потоа ми рекоа дека за Хрватите сум четник, а за Србите усташ appeared first on ekran.
