Во рамките на Град Скопје како престолнина на културата 2028 година Културно информативниот центар – Скопје има особена чест и задоволство да ве покани на Вечер на Руми: Објавување на последниот книжевен препев на Драги Михајловски, вечерва од 19:19 часот во Салон Империјал 2.
Поезијата на еден од најголемите персиски поети, Џелаледин Мевљана Руми, е мелем за срцето на безброј читатели низ вековите, а од пред некое време можеме да ја читаме и на македонски јазик. Стиховите на Руми, кои претставуваат непроценливо светско наследство, добиваат дополнителна убавина кога се препеани од големиот мајстор на зборот, проф. Драги Михајловски. Тоа е воедно и последниот превод и препев на кој тој работеше.
Вечер посветена на поезијата на Руми, препеана од еден од најквалитетните книжевни препејувачи во нашата земја, Драги Михајловски. Во сеќавање на овие две големи имиња, едното во светската книжевност, а другото во домашната, оваа ноќ би била инспиративно навраќање кон столбовите на кои треба да се потпираме.
Оваа година од печат излезе третиот том на „Големата црвена книга“ од Руми во препев на Драги Михајловски. Се работи за врна поезија, актуелна и денеска. Овој Шекспир на источниот свет е неисцрпен и е особено тешка задача да се препее на македонски јазик. Но со мајсторството на Драги Михајловски, сето тоа е возможно и остварливо. Нам ни остана само да учиме од обајцата и оваа вечер посветена на нив ќе придонесе за славење на поезијата и на препевот.
Настанот е замислен како разговор со Ана Пејчинова и Ирена Јурчева, познавачи на творештвото на Руми и на мајсторството на Драги Михајловски. Преку читање на дел од песните, нивна анализа и дебата за предизвиците на преведувањето и препејувањето, се очекува да се потврди и да се зголеми интересот за поезијата и препејувањето.
Истовремено, му оддаваме должна почит на Драги Михајловски, кој ја збогати нашата култура и книжевност со врвни преводи на многу дела од светската книжевност, а особено со целокупното творештво на Шекспир.
The post Вечер на Руми: Објавување на последниот книжевен препев на Драги Михајловски appeared first on ekran.
