Брутален израелски напад врз училиште во Газа: Најмалку 30 Палестинци загинаа, а 100 се повредени/ВИДЕО

Бројот на загинати Палестинци во денешниот израелски воздушен напад врз училиште во Деир ал Балах во централниот дел на Појасот Газа се искачи на најмалку 30, а повеќе од 100 лица се повредени, соопштија палестинските здравствени власти.

Претходно беше објавено дека повеќе од 24 Палестинци, меѓу кои и деца и жени, се убиени во нападот на училиштето во кое се сместени голем број раселени лица, пренесува Ројтерс.

Официјални лица најавија дека бројот на загинати би можел да биде поголем, бидејќи операциите за пребарување и спасување сè уште се во тек.