Новиот менаџер на Манчестер Јунајтед, Рубен Аморим побарал од раководството на англискиот клуб итно да го привлече напаѓачот Виктор Осимен во зимскиот преоден рок, тврдат турските медиуми.
Нигерискиот интернационалец моментално е на позајмица во Галатасарај од Наполи, но во договорот има клаузула која му овозможува трансфер во зима со потребното обештетување за клубот од Истанбул.
Осимен беше пред трансфер цело лето и откако пропаднаа можностите во Челси и Ал-Ахли, тој беше позајмен од Наполи во Галатасарај.
Сега Аморим сака да го претвори во главен стрелец на „црвените ѓаволи“, а во преговорите за него може да учествува и 23-годишниот холандски напаѓач Џошуа Зиркзе, кој повеќе не е посакуван на „Олд Трафорд“.
Виктор Осимен беше пречекан во Истанбул како рок ѕвезда и досега има 8 гола за Галатасарај на 9 натпревари во сите натпреварувања.
The post Аморим го сака Осимен во Манчестер Јунајтед appeared first on Локално.
