Ако имате вишок, дупликати, книги со кои сте скарани, книги што мислите дека треба и други да ги прочитаат или едноставно сакате да им олесните на вашите преполнети полици, имаме одлична шанса каде да ги дадете вашите стари, прочитани книги и тие да завршат во добри раце!
Култура Бета заедно со кафе-книжарниците „Илика“ и „Буква“ организираат crowdfunding настан за Здружението за афирмација на младинската култура „Култура Бета“. Сите собрани средства ќе бидат вложени во организирање на настани и подготовка на книги од страна на Култура Бета.
Вашата помош ќе ни биде потребна во делот за собирање на стари книги кои би се продавале на настанот. Ги повикуваме сите поддржувачи на младинската култура, читатели, автори, фанатични колекционери и, секако, издавачи на книги кои сакаат да ги излуфтираат своите магацини, да ни донесат селекција од нивните стари книги во кафе-книжарницата „Илика“! (Партизански одреди 7 | понеделник-сабота, 10:00-21:00) А, на оние што ќе донесат повеќе книги, ќе им се заблагодариме со мали подарочиња на денот на настанот.
Настанот е планиран да се одржи кон крајот на септември и тоа во два дела: за дневниот дел, во соработка со кафе-книжарницата „Илика“, ќе организираме базар на кој ќе се продаваат книги, а вечерта ќе се префрлиме во кафе-книжарницата „Буква“ на афтерпарти каде ќе продолжиме со музика и уште некои изненадувања!
Kнигите можете да ги донесете од 20 август до 20 септември во кафе-книжарницата „Илика“.
Ве очекуваме!
The post Акција за собирање на стари книги – ослободи ја твојата библиотека, ослободи ја младинската култура! appeared first on ekran.
