Автобуска несреќа во Италија: Едно лице загина, 15 се повредени кога автобус со кинески туристи удрил во заштитната ограда на патот

Во сообраќајна несреќа на автобус со туристи, за кои италијанските медиуми јавуваат дека се кинески државјани, едно лице загина, а 15 се повредени на автопатот меѓу Рим и Фиренца, соопштија пожарникарите, пренесе агенцијата Хина.

Несреќата се случила во близина на градот Арецо, а учествувал автобус со 25 туристи, се вели во соопштението на пожарникарите на Х.

Сликите на социјалните мрежи покажуваат дека автобусот удрил во заштитна ограда и дека шофершајбната му е уништена.

Според весникот „Кориере дела сера“, туристите се кинески државјани и патувале од Рим за Фиренца.